Skip to Content

የኢ.ፌ.ዴ.ሪ ፕሬዝደንት ዶ/ር ሙላቱ ተሾመ የሳይንስና ቴክኖሎጂ ሚኒስቴርን ጎበኙ።

Ministry of Science and Technology successfully launched the first Ethiopian drone.

ከ35 በላይ የአፍሪካ ሀገራት የተውጣጡ አንድ መቶ ወጣት ሴቶች የሳይንስና ቴክኖሎጂ ሚኒስቴርን ጎብኝተዋል።

Ministry of science and technology signed Five Years Agreement with International Atomic Energy Agency.

ኢትዮጲያ ከህክምና መሳርያዎች ተጠቃሚነት ወደ አምራችነት ለመሸጋገር እየሰራች ነው ተባለ፡፡

Latest News


የኢ.ፌ.ዴ.ሪ ፕሬዝደንት ዶ/ር ሙላቱ ተሾመ የሳይንስና ቴክኖሎጂ ሚኒስቴርን ጎብኝተዋል::

27/07/2018
ኢትዮጵያ ቴክኖሎጂ አፍላቂ ወጣቶች እንዲኖሯት ሳይንስና ቴክኖሎጂ ሚኒስቴር የጀመራቸውን እንቅስቃሴዎች አጠናክሮ መቀጠል አለበት አሉ የኢ.ፌ.ዴ.ሪ ፕሬዝደንት ዶ/ር ሙላቱ ተሾመ፡፡

በኢትዮጵያ የተነደፈ (Designed in Ethiopia) ፕሮግራም

04/07/2018
በሳይንስና ቴክኖሎጂ ሚኒስቴር የተዘጋጀው በኢትዮጵያ የተነደፈ(designed in Ethiopia) የኤሌክትሮኒክስ እቃዎች ንድፍ ውድድር አሸናፊዎች ውስጥ 5ቱ በምክትል ጠቅላይ ሚኒስትሩ እውቅና ተሰጥቷቸዋል። እነዚህ የንድፍ ስራዎች በቅርቡ በቻይና ሺንዘን ተመርተው ወደ ገበያ ይገባሉ።

ኢትዮጵያና ቻይና በኢንፎርሜሽን ቴክኖሎጂ፣ በሰው ሃይል ግንባታ፣ በግብርናና በሌሎች መስኮች ያላቸውን ግንኙነት አጠናክረው ለማስቀጠል ተስማሙ።

04/07/2018
በመድረኩ ላይ በበትረ ሳይንስ ኢትዮጵያ የትምህርት እድል ፕሮግራም ቻይና የኢትዮጵያ ተማሪዎችን ተቀብላ ለማስተናገድ ዝግጁ መሆኗን ከቻይና የተለያዩ ተቋማት የተውጣጡ ተወካዮች አረጋግጠዋል።

20 ትውልድ ምርት የሚሰጠው የማሽላ ምርምር ቀጣይ አመት አርሶ አደሩ እጅ ይገባል፡፡

04/07/2018
በሳይንስና ቴክኖሎጂ ሚኒስቴር ከሚደገፉት ጥናትና ምርምሮች ውስጥ አንዱ የሆነው አንድ ግዜ ተዘርቶ በአመት ከ2 እስከ 3 ግዜ ምርት እየሰጠ ዳግም ሳይታረስ በአማካይ ከ5 እስከ 7 አመት ምርት መስጠት የሚችለው የማሽላ ምርምር በቀጣይ አመት ለአርሶ አደሩ ይሰራጫል፡፡

የምልስ-ምህንድስና (Reverse Engineering) ትግበራዎች ተጠናክረው እንደሚቀጥሉ የሳይንስና ቴክሎጂ ሚኒስቴር አስታወቀ::

29/05/2018
ከነባሩ የምህንድስና አሰራር ጎን ለጎን የምልስ-ምህንድስና (Reverse Engineering) ተግባራዊ መደረግ እንደሚገባው በኢትዮጵያ ባዮቴከኖሎጂ ኢንሰቲቱውት የ መጻዒ-ቴክኖሎጂዎች ማእከል ከ ባህር-ዳር ዩኒቨርሲቲ ቴክሎጂ ኢኒስቲቲውት ጋር ባዘጋጁት የጋር ወርክሾፕ ላይ ተገልጿል፡፡

የህዝብ ተወካዮች ምክር ቤት የሳይንስና ቴክኖሎጂ ሚኒስቴር የጤና፣ ግብርናና የትምህርት ዘርፉ በቴክኖሎጂ እንዲደገፍ እያደረገ ያለውን ጥረት አጠናክሮ እንዲቀጥል አሳሰበ፡፡

24/05/2018
የሳይንስና ቴክኖሎጂ ሚኒስቴር የ2010 ዓ.ም የ9 ወር የእቅድ አፈፃፀሙን ለህዝብ ተወካዮች ምክር ቤት አቅርቧል፡፡

የሳይንስና ቴክኖሎጂ ሚኒስቴር ችግር ፈቺ የቴክኖሎጂ ሃሳቦችና ስራዎች ወደ ትግበራ እንዲገቡ ድጋፍ ማድረጉን ይቀጥላል።

24/05/2018
የሳይንስና ቴክኖሎጂ ሚኒስቴር፣ ሲነርጂ ሃበሻ ሚዲያና ኮሙኒኬሽን እና ጂ አይ ዜድ በጋራ ያዘጋጁት ቴክኖቬሽን ኢትዮጵያ በተባለ ፕሮግራም የታዳጊ ሴት ተማሪዎች የሞባይል መተግበሪያ ውድድር ተካሂዷል።

በጥቁር አንበሳ ሆስፒታል የሚተገበረው የተቀናጀ ዲጂታል የህክምና አስተዳደር አገልግሎት በሀገራችን ወጣት ባለሙያዎች ዲዛይን በተደረገ ታብሌት ታግዞ ስራ ላይ ይውላል፡፡

05/05/2018
የሳይንስና ቴክኖሎጂ ሚኒስቴር በጥቁር አንበሳ ሆስፒታል የዘረጋውን የተቀናጀ ዲጂታል የህክምና አስተዳደር አገልግሎት አስመረቆ ለሆስፒታሉ አስረከቧል፡፡

የመጀመሪያዎቹ የብሎክቼን አበልፃጊ /developers/ ሰልጣኞች ሴቶች ብቻ ይሆናሉ፡፡

04/05/2018
የሳይንስና ቴክኖሎጂ ሚኒስቴር እና የብሪታንያው IOHK ተቋም የብሎክ ቼን ቴክኖሎጂን ስራ ላይ ለማዋልና አብሮ ለመስራት የሚያስችላቸውን ስምምነት ተፈራረሙ፡፡

የሳይንስና ቴክኖሎጂ ሚኒስቴር ከእስራኤሉ ሚካኤል ኢንተርናሽናል ጋር የሰው ሃይል አቅም ግንባታ ላይ አብሮ ለመስራት የሚያስችለውን ስምምነት ተፈራረመ

04/05/2018
ስምምነቱን የሳይንስና ቴክኖሎጂ ሚኒስቴር የምርምርና ቴክኖሎጂ ዘርፍ ሚኒስትር ዴኤታ ዶ/ር ሹመቴ ይግዛውና የሚካኤል ኢንተርናሽናል የአፍሪካ ጉዳዮች ሊቀመንበር ሞሼ ኢኒዲግ ተፈራርመዋል፡፡

Message from the Minister Message from the Minister

Message from the Minister

H.E. Dr.-Ing. Getahun Mekuria Kuma has been appointed as the new Minister for Science and Technology beginning the 1st of November 2016. The appointment is part of Prime Minister Hailemariam Desalegn's cabinet reshuffle that came in the first week of November.

H.E. Dr.-Ing. Getahun has served the Ministry for the past two years as State Minister and Director General. Previously, H.E. Dr.-Ing. Getahun worked for the Addis Ababa Institute of Technology of Addis Ababa University in different academic and management capacities. He earned his BSc and MSc degrees in Electrical Engineering from Addis Ababa University. He completed his PhD degree in the same field at the University of Duisburg-Essen, Germany. The appointment of H.E. Dr.-Ing. Getahun as the Minister for Science and Technology is expected to galvanize the transformation process that the Ministry has already embarked on.

 

Back

የተሸላሚዎች ስራ

ግቢያ

የሳይንስና ቴክኖሎጂ ሚኒስቴር የሳይንስና ቴክኖሎጂ የፈጠራ ስራዎችን በመደገፍ ጥቅም ላይ እንዲዉሉ የማድረግ እንዲሁም የሌሎች ሀገራት የሳይንስና ቴክኖሎጂ ዉጤቶችን ወደ ሀገር ዉስጥ አስገብቶ የማላመድ ስራ ይሰራል፡፡ በአጠቃላይ በሳይንስና ቴክኖሎጂ ዘርፍ እየተደረጉ ያሉ እንቅስቃሴዎች ላይ ባለድርሻ አካላትና የሚመለከታቸዉ ሁሉ አስተዋጽኦ ቢያደርጉ የሀገር ዕድገት ፈጣንና ቀጣይነት ያለዉ ይሆናል፡፡ በዚሁ መሰረት የሳይንስና ቴክኖሎጂ ሚኒስቴር በ2010 ዓ.ም ለሽልማት ከበቁ ችግር ፈቺ የሆኑ የፈጠራ ስራዎችን ለማሳደግ እንዲያስችል ፈጠራዎቹን በእዉቀትና በገንዘብ የሚያግዙ አካላት ከፈጠራ ባለቤቶች ጋር በጋራ እንዲሰሩና እንዲሁም የተለያዩ ችግር ፈቺ የሆኑ ምርምሮች ወደ ህብረተሰቡ እንዲገቡ ብሎም ጥቅም ላይ እንዲውሉ ይፈልጋል፡፡ ስለሆነም ከነዚህ የምርምርና የፈጠራ  አካላት ጋር በጋራ መስራት የምትፈልጉ ወይም የምርምር/የፈጠራ ውጤቶቹ ተጠቃሚ መሆን የምትፈልጉ ከታች በተገለፁት አድራሻዎች በመጠቀም ማግኘት ትችሉ ዘንድ የፈጠራዎቹና የምርምሩ አጭር መግለጫ ከታች እንደሚከተለው ቀርቧል፡

የምርምሩ ርዕስ፡- የተሻሻለ የበቆሎ ዝርያ

ተቋምከባኮ ግብርና ምርምር ማዕከል

የምርምሩ አጭር መግለጫ

የሰብሉን ምርትና ምርታማነት አነስተኛ መሆን ከግምት ውስጥ በማስገባ የባኮ ብሔራዊ በቆሎ ምርምር ቡድን ከሌሎች ተባባሪ ማዕከላት ጋር በመሆን በርካታ የምርምር ሂደት እርከኖችን አልፎ ውጤታማ የሆኑ የተለያዩ የበቆሎ ዝርያዎችን እስከነሙሉ የአመራረት ዘዴና ሰብል ጥበቃ ቴክኖሎጂዎቻቸው ጋር ለተጠቃሚው ለቋል፡፡

ምርምሩ መነሻ ሀሳብ

የበቆሎ ሰብል በኢትዮጵያ ያለውን ሰፊ ጠቀሜታ መሰረት በማድረግ፤ በአገሪቱ ያለውን የሰብሉን ዝቅተኛ ምርትና ምርታማነትን ለማሻሻል፤ 1950 ጀምሮ ሲካ የቆየው የምርምር ሥራ የተለያዩ የተሻሻሉ የበቆሎ ቴክኖሎጂዎችን በማፍለቅና ለተጠቃሚዎች በማድረስ ጥረት ሲደረግ ቆይቷል፡፡ ሆኖም ከዘርፉ መገኘት የነበረበትን ምርት ማግኘት ባለመቻሉ ምክንያት ምርቱ አምራች አርሶ አደሩንም ሆነ እንደ ጥሬ ዕቃ የሚጠቀሙ አካላትን ተጠቃሚ ያደረገ አልነበረም፡፡

የምርምሩ ፋይዳ

የነዚህ የተሻሻሉ የበቆሎ ቴክሎጂዎች በምርምር መገኘትና ጥቅም ላይ መዋል ተከትሎ የበቆሎ ሰብል በአሁኑ ጊዜ በአገሪቱ አጠቃለይ ዓመታዊ ምርቱ 70 ሚሊዮን ኩንታል የደረሰ ሲሆን፤ ብሔራዊው አማካይ ምርታማነቱ ደግሞ 1990ዎቹ መጀመሪያ ላይ በሄክታር 12 ኩንታል ከነበረው ወደ 34.5 ኩንታል  አድጓል፡፡ ይህም በመቶኛ ሲሰላ፤ ባለፉት ሁለት አስርት ዓመታት የበቆሎን ምርታማነት 180% ያህል ለማሳደግ መቻሉን ያሳያል፡፡ ይህም አገሪቷ ቀደም ሲልጥሬ እቃነት የሚውል በቆሎን ከጎረቤት አገር ለማስገባት ታወጣ የነበረውን ከፍተኛ የውጪ ምንዛሬ አስቀርቷል፡፡ በዚህም በቆሎን በማምረት ላይ ያሉ አርሶ አደሮች ከሌላው መደበኛ ሰብሎች በተሻለ መልኩ በኑሮአቸው ላይ ከፍተኛ መሻሻል እንዲኖር አስችሏቸዋል፡፡

ተደራሽነት

·         በምርምሩ የተገኙ ቴክሎጂዎች ከሚመለከታቸው የመንግስትና የግል ማህበራት ጋር በመቀናጀት ተባዝተው ለአርሶ አደሩና ለከፊል አርሶ አደር እንዲሰራጭና ህብረተሰቡ እንዲጠቀምባቸው ተደርጓል፡፡

·         ማዕከሉ በየዓመቱ በአማካኝ እስከ 200 ኩንታል የተለያዩ አራቢና ቅድመ መስራች ዘሮችን እያባዛ ለኦሮሚያ፣ ለአማራ፣ ለጋምቤላ፣ ለደቡብ እና ለትግራይ ክልል ግብርና ምርምር ተቋማት ለአካባቢው ተስማሚ የሆኑ ዘሮችን አባዝቶ በማቅረብ ላይ ይገኛል፡፡

 

=======================================================================

የምርምሩ ርዕስ፡- ፔንታሚዲን የተባለን መድሀኒት በመጠቀም የሌሽማኒያን በሽታ ኤች አይ ቪ ባለባቸው ህሙማን ላይ እንዳያገረሽ መከላከል

ተቋምጎንደር ዮኒቨርሲቲ

የምርምሩ አጭር መግለጫ፡

የሌሽማኒያ በሽታ ኤች አይ ቪ ኤድስ በደማቸው በሚገኝ ሰዎች ላይ ተደርቦ ሲከሰት እስካሁን ድረስ ባሉን መድሀኒቶች አክሞ ሙሉ በሙሉ ማዳን አይቻልም፡፡ የሌሽማኒያ በሽታ ታክሞ በአጭር ጊዜ ውስጥ እንደገና በማገርሸት ጤንነትን በመጉዳት ሰዎችን ለሞት ይዳርጋል፡፡ በታከሙ በአንድ አመት ጊዜ ውስጥ 60-70 በመቶ የሚሆኑት በሽታው በድጋሚ ያገረሽባቸዋል፡፡ የዚህ ምርምር አላማ ሌሽማኒያን ከታከሙ በኋላ እንዳያገረሽባቸው በመከላከል ህይወታቸውን ማዳን ነው፡፡

ፔንታሚዲን መድሀኒትን ለህሙማን በወር አንድ ጊዜ ለአንድ አመት በመስጠት እንዲሁም ለተጨማሪ አንድ አመት ደግሞ መድሁኒቱን እንዳይወስዱ በማድረግ ሙከራ ተደርጎ በተገኘው ውጤቱ በፊት ይታይ ከነበረው ከግማሽ በላይ ማገረሸቱን ቀንሶታል፡፡

የምርምሩ መነሻ ሀሳብ

በኢትዮጵያ በተለይም በሰሜን ምዕራብ አካባቢ ከፍተኛ የሆነ የሌሽማኒያ በሽታ ስርጭት የሚታይ ሲሆን አብዛኝው የህመሙ ተጠቂዎች የኤች አይ ቪ ታማሚሆች ናቸው፡፡ የጎንደር ዩኒቨርሲቲ ሆስፒታል በአካባቢው ህብረተሰብ ላይ የሚታዩ የጤና ችግሮችን በመለየት ምርምሮችን በማድረግ መፍትሄ ይፈልጋል፡፡ ይህ አንዱ በተደጋጋሚ የሚታይ ችግር በመሆኑ ትኩረት ተሰቶት ከአጋር ድርጅቶች ጋር በመተባበር እንዲሰራበት ተደርጓል፡፡

የምርምሩ ፋይዳ

ይህ ምርምር በዚህ ህመም ተጎድተው መስራት፣ ማምረት እንዲሁም ቤተሰባቸውን መደገፍ ሳይችሉ የቀሩ የህብረተሰብ ክፍሎችን ህይወት በመታደግ ጤናማና አምራች ዜጋ እንዲሆኑ ለማድረግ አስችሏል ፡፡

 

ተደራሽነት

·         የምርምሩ ዋና ዋና ግኝቶች አለም አቀፍ መጽሔት ላይ ታትመዋል፡፡

በብዙ አለም አቀፍና የሀገር ውስጥ የሳይንስ ጉባኤ መድረኮች ላይ ቀርቧል፡፡

==================================================================================

የፈጠራው ባለቤት ስም፡- አቶ ጌታቸው ገ/ህይወት

የፈጠራ ስራው ርዕስ፡- የአካል ጉዳተኞች መንከባከብያ ዊልቸር

  

የፈጠራ ስራው ውጤት፡- ይህ የአካል ጉዳተኞች ዊልቸር በውስጡ ሽንት ቤት፤ መታጠቢያ፤ መመገቢያ፤ የሽታ ማስወገጃ፤ ሴፕቲክ ታንክ/ ቆሻሻ ማጠራቀሚያ እንዲሁም በነፃነት እንዲጸዳዱ የሚያገለግል መጋረጃ ወዘተ… የተገጠሙለትና በቀላሉ ከቦታ ወደ ቦታ ለማንቀሳቀስ የሚያስችልና ቀላል ክብደት ያለው እንዲሁም ጠንካራ፣ ውበት የተላበሰና ከማንኛውም ዝገት ነፃ ሆኖ የተዘጋጀ ነው፡፡ አሁን በሰው ሀይል የሚንቀሳቀስ ቢሆንም ለወደፊት በሶላርና በኤሌክትሪክ ሀይል የሚንቀሳቀስ እንዲሆን ለማድረግ ታቅዷል፡፡

የፈጠራ ስራው ፋይዳ

*      የአካል ጉዳተኞችን እንቅስቃሴ በማገዝ በቀላሉ ከቦታ ወደ ቦታ እንዲጓጓዙ በማድረግ እንደማንኛውም ሰው ወደ ት/ቤት ፤ሀኪም ቤት እንዲመላለሱ ከማድረጉም ባሻገር የሚገጥማቸውን የስነ ልቦና ችግር በማቃለልና በማስወገድ በማንኛውም ማህበራዊ ጉዳዮች ተሳትፎ እንዲኖራቸው ያስችላል፡፡

*      አካል ጉዳተኞችና ህሙማን በሆስፒታል ሲተኙ ያለአስታማሚ ራሳቸውን መርዳት እንዲችሉ ማስቻሉ ፡፡ 

*      እናቶች በወሊድ ጊዜ ከፅዳት ጋር በተገናኘ ጉዳይ እንዳይቸገሩ ከፍተኛ እገዛ አድርጓል፡፡

*      በሆስፒታሎች ውስጥ የሚፈጠር የፅዳት ችግርን በማቃለል የሀኪሞችንና ድጋፍ ሰጪ ሰራተኞችን የሥራ ጫና ያቃልላል፡፡

*      ሃገራችን ዊልቼር ከውጭ በማስገባት የምታወጣውን ከፍተኛ ወጪ ማስቀረት ያስችላል፡፡

የፈጠራ ስራው ተደራሽነት

በቅዱስ ጳውሎስ ሆስፒታል፣ በጥቁር አንበሳ ሆስፒታል እና አቤት ሆስፒታል ውስጥ ገብተው አገልግሎት በመስጠት ላይ ይገኛሉ፡፡

የአእምሯዊ ንብረት ማስረጃ

የፈጠራው ባለቤት ይህ ፈጠራ በስፋት ተመርቶ ወደ ገበያ እንዲገባና ለአካል ጉዳተኞች እንዲሁም የማዋለድ አገልግሎት ለሚሰጡ ተቋማት በሰፊው እንዲዳረስና የህብረተሰቡን ችግር እንዲፈታ ይፈልጋል፡፡ ስለሆነም ፈጠራውን በገንዘብ በመደገፍ በአጋርነት መስራት የምትፈልጉ እንዲሁም ፈጠራውን በእውቀት በመደገፍ ወደ ላቀ ደረጃ ለማሳደግ የምትፈልጉ አካለት በ0912 04 12 25 በመደወል የፈጠራ ባለቤቱን ማግኘት ትችላላችሁ፡፡

===============================================================================================

የፈጠራው ባለቤት ስም፡- አቶ ተወልደ ግርማይ ነጋ

የፈጠራ ስራው ርዕስ፡- የተዘጋ የመስኖ ግድብ መክፈቻ መሳርያ

የፈጠራ ስራው መነሻ ሃሳብ:- በትግራይ ክልል ዉሃ ሀብት ቢሮ 15 ኣመታት በፊት በሳርት ኮሚሽን ድርጅት ለመስኖና ለመጠጥ ዉሃ አገልግሎት ተብለዉ የተገነቡ ግድቦች በደለል ምክንት ተዘግተዉ ከአገልግሎት ዉጭ ሆነዉ መቆየታቸው፡፡ 

የፈጠራ ስራው ውጤት፡- የተለያዩ በደለል የተሞሉ ግድቦችን በማፅዳትና በመክፈት ግድቦች በጥቅም ላይ እንዲውሉ ያደርጋል፡፡

ያመጣው ፋይዳ:-

  •      ግድቦችን ይከፍታል፡፡ 

*      ግድቦች ለረጅም ጊዜ አገልግሎት እንዲሰጡ ያደርጋል፡፡

  •       እና ወጪ ይቀንሳል፡፡
  •      በመጠቀም በግብርና ላይ ምርታማነትን ይጨምራል፡፡

*      ግድቦች ከመደፈናቸው ጋር ተያይዞ የሚመጣን አላስፈላጊ ወጪ ያስቀራል፡፡

የፈጠራ ስራው ስርጭት/ተደራሽነት፡-  ይህ ፈጠራ የሀገር በቀል እውቀትንና ቴክኖሎጂን በመጠቀም መስራትና ጥቅም ላይ በማዋል መተግበር የሚቻል ነው፡፡ እስካሁን ባለው ሁኔታ ትናንሽና ቀላል ግድቦች ላይ ተግባራዊ ሆኖ ከ14 በላይ ግድቦች ተከፍተው ጥቅም ላይ ውለዋል፡፡

የአእምሯዊ ንብረት ማስረጃ

በተለያዩ ክልሎች ግድቦችን የምታስተዳድሩ አካላት የግድብ መዘጋት ችግር ካጋጠማችሁ ከፈጠራው ስራ ባለቤት ጋር በመገናኘት የዚህ ችግር ፈቺ ቴክኖሎጂ ተጠቃሚ እንድትሆኑ እናስታውቃለን፡፡

አቶ ተወልደ ግርማይ    ስልክ ፡- 0914 76 30 09

===========================================================================================================

ተቋም፡- የደቡብ ግብርና ምርምር ኢኒስቲቲውት

የምርምሩ ርዕስ፡- የካሳቫ አመራረት፣ ምርት አያያዝና አጠቃቀም ቴክኖሎጂ

መግለጫ

ካሳቫ ከቁልቋል (Euphorbiaceae) ቤተሰብ የሚመደብ ሲሆን ከ200 በላይ ዝርያዎች አሉት፡፡ በዋናነት ለምግብነት የሚውለውም ከመሬት በታች የሚገኘው ኮረቱ/ስሩ ሲሆን በኃይል ሰጪነቱ ከስራስር ሰብሎች ሁሉ ተወዳዳሪ የለውም፡፡ ከሰው ምግብነት ባሻገር ለኢንዱስትሪ ጥሬ እቃነት ተፈላጊ ከመሆኑም ባሻገር
ለከብቶች መኖነት፣ ለዓሳ ልማት፣ ለዶሮ ምግብነት ለአፈር ልማት ይውላል፡፡ ወደ ኢትዮጵያ የገባበት
ትክክለኛ ዘመን ባይታወቅም ከ100 ዓመት በላይ እንዳስቆጠረ አንዳንድ መረጃዎች ይጠቁማሉ፡፡ ካሳቫ
ከሌሎች ሰብሎች የሚለየው ሌላው ባህሪይ ለምነቱ በተሟጠጠ አፈር ላይ ተገቢ ምርት ከመስጠቱም
በተጨማሪ ድርቅን በመቋቋም በምግብ ራስን ለመቻል ለሚደረገው ጥረት ከፍተኛ አስተዋጽኦ ያደርጋል፡
፡ በዚህ ምክንያት የደቡብ ግብርና ምርምር ኢንስቲትዩትና የኢትዮጵያ ግብርና ምርምር ኢንስቲትዩት
በስራቸው ባሉ የተለያዩ የምርምር ማዕከላት አማካኝነት በተለያዩ ጊዜያት በተደረጉ የምርምር
እንቅስቃሴዎች አራት የተሻሻሉ የካሳቫ ዝርያዎች በሀገር አቀፍ ደረጃ እንዲለቀቁና ለአርሶ አደሩ እንዲዳረሱ
አድርጓል፡፡ ከዚህም ባሻገር ተያያዥነት ያላቸው ቴክኖሎጂዎች የአተካከልና የመስክ አያያዝ፣ አጠቃቀምና የድህረ-ምርት አያያዝ፣ የቴክኖሎጂ ብዜትና ስርጭት በሰፊው በሀገር አቀፍ ደረጃ እንዲካሄድ ተደርጓል፡፡

መነሻ ሀሳብ

እርጥበት አጠር በሆኑ አካባቢዎች፣ በተለይም በደቡብ ክልል ካሳቫ በተለምዶ የሚመረትና አርሶ አደሮች በእጃቸው ያሉትንና አነስተኛ ምርት በመስጠት የሚታወቁትንና ከተተከሉ እስከ ሶስት ዓመት ማሳ ላይ የሚቆዩ፣ የመርዛማነት መጠንናቸው ከፍተኛ የሆኑ ዝርያዎች ብቻ በተለምዶ እንደ ማንኛውም ስራስር ቀቅለው ከመጠቀም ውጭ ምንም የተሻሻለ ቴክኖሎጂ ተጠቀሚ አልነበሩም፡፡ ከዚህም በተጨማሪ በተፈጥሮ የካሳቫ ምርት ቶሎ የመበላሸት ባህሪ ስላለው አርሶ-አደሩ ተጠቃሚ ሳይሆን ቆይቷል፡፡ ስለሆነም እነዚህን ችግሮች ለመቅረፍና አርሶ-አደሩን ተጠቃሚ ለማድረግ የተሻሻሉና ከፍተኛ ምርት የሚሰጡ ዝርያዎችን ማፍለቅ፤ የድህረ-ምርት አያያዝና አጠቃቀም ሁኔታን በማሻሻል አምራቹን ተጠቃሚ ለማድረግ ተብሎ የተካሄደ የምርምር ሂደት ያስገኘው ውጤት ነው፡፡


ውጤት

በተወሰነ ጊዜ ከአነስተኛ መሬት እጅግ በጣም ከፍተኛ ምርት ከመስጠቱም ባሻገር ከገንቢ ንጥረ ምግብ ይዘት ያለውና የተመጣጠነ የምግብ ይዘት ያለው ሰብል ነው፡፡ በምርምር የተለቀቁት ዝርያዎች 270-510 ኩንታል በሄክታር የሚሰጡ ሲሆን ከበቆሎ፣ ከስንዴ፣ ከጤፍ እና ሌሎች የመስክ እህሎች ጋር ሲነጻጸር 2-3 እጥፍ በላይ ምርት የሚሰጥ ሰብል ነው፡፡

 

ተደራሽነት

ካሳቫ በተለያዩ መንደገዶች መራባት ቢችልም ዋነኛውና ቀላሉ መንገድ ቆርጦ በመትከል ስለሆነ የምርምር ማዕከላትና ዘር አምራች ድርጅቶች በዓመት በቢሊዮኖች የሚቆጠሩ ቁርጥራጮችን ያመርታሉ፡፡ በተለያዩ መንግስታዊ ባልሆኑና መንግስታዊ በሆኑ ድርጅቶች አማካይነት ለአምራች አርሶ አደሮች ወቅቱን በጠበቀ ሁኔታ ጥራቱን ባሟላ መልኩ እየተዳራሰ ይገኛል፡፡ ለሽያጭ በሚቀርብበትም ጊዜ የአንድ ቁራጭ ዋጋ ከ0.40 ብር /አርባ ሳንቲም/ በታች ስለሆነ አርሶ አደሩ በቀላሉ በአነስተኛ ዋጋ ዘሩን አግኝቶ ማምረት ይችላል፡፡ ከካሳቫ ስር የተለያዩ ምግቦችን ለማዘጋጀት ታጥቦ፣ ተልጦ እና ተቆራርጦ በጸሐይ ላይ ተሰጥቶ እንዲደርቅ ይደረጋል፡፡ ይህ ሂደት በሚከናወንበት ጊዜ የምርምር ውጤት የሆኑ የካሳቫ መላጫዎች፣ መከታተፊያዎችና መሰነጣጠቂያ መሳሪያዎች በስራ ላይ እየዋሉ ይገኛሉ፡፡ እነኝህ መሳሪያዎች በተለያዩ መንግስታዊና መንግስታዊ ባልሆኑ ድርጅቶች አማካይነት ካሳቫ አምራች ወደ ሆኑ አካባቢዎች በሰፊው ገብተው አርሶ አደሮችና በጥቃቅንና አነስተኛ የተደራጁ ወጣቶች እየተገለገሉባቸው ይገኛሉ፡፡ እነኝህ የድህረምርት አያያዝ ላይ ከፍተኛ አስተዋጽዖ የሚያበረክቱ መሳሪያዎች በቀላሉ የሚባዙና ዋጋቸውም በጣም አነስተኛ ስለሆኑ በአሁኑ ሰዓት አርሶ አደሮች  በመግዛት እየተገለገሉ ይገኛሉ፡፡ በአጠቃላይ ቴክኖሎጂው በቀላሉ የሚባዛና ዋጋውም በጣም አነስተኛ ስለሆነ ለአነስተኛ አርሶአደሮች ተደራሽነቱ የሚያጠያይቅ አይደለም፡፡

ይንን የምርምር ውጤት በመጠቀም ምርትና ምርታማነታችሁን ለማሳደግ የምትፈልጉ በ0939 07 19 08 በመደወል መገናኘት ትችላላችሁ

 

 

 


Weekly Visitor Status Weekly Visitor Status

// ]]>